Neftçilərin Hüquqlarını Müdafiə  Təşkilatı(NHMT İB)İctimai Birliyi:

1. Neftçilər arasında  maarifləndirmə işləri aparır;

• 1999,2000, və 2002-ci illərdə Böyük Britaniyanın Vestministr fondunun, Amerikanın  Şərqi Avropa İnstitunun, Niderland səfirliyinin, Norveç Krallığının Azərbaycandakı səfirliyinin maaliyyə dəstəyi ilə neftçilər arasında «Azərbaycan Əmək Məcəlləsinin» öyrədilməsi üzrə maarifləndirmə proqramını həyata keçirmişdir.

•  Neftçilərə pulsuz hüquqi yardımlar edir. Məhkəmə proseslərinin monitorinqini aparır, proses zamanı hakimlər tərəfindən edilən hüquq pozuntuları və baş verən korrupsiya halları haqqında ölkə və beynəlxalq  ictimaiyyətinəvə müvafiq dövlət qurumlarına açıqlamalar verir. 2006-cı ildə Təşkilatın hüquqi yardımı və məhkəmədə müdafiəsi nəticəsində 15 nəfər yerli işçinin müdaifəsi təşkil olunmuş, onlardan 13 nəfərin iddia ərizəsi təmin olunmuşdur. 2005-ci ildə Azərbaycan məhkəmələrində  təmin olunmamış dörd iddia ərizəsi Avropa İnsan Hüquqları Məhkəməsi tərəfindən icradata götürülmüşdür

• Azərbaycanın neft sektorunda həyata keçirilən neft  layihələrində iştirak edən podratçı və subpodratçı şirkətlərdə işçiləyən yerli işçilərin sosial-iqtisadi hüquqlarının müdafiəsi məqsədilə onlara öz həmkarlar təşkilatının yaradılması üçün hüquqi yardımlar edir. Məhz bunun nəticəsi olaraq neft layihələrində iştirak edən 5 xarici şirkətdə artıq yerli işçilər öz həmkarlar təşkilatını yaratmağa nail olublar.